Tashkilotning to‘liq nomi: Ekologiya, atrof-muhitni muhofaza qilish va iqlim o‘zgarishi vazirligi huzuridagi O‘rmon xo‘jaligi agentligi-Dorivor o‘simliklarni yetishtirish va qayta ishlash ilmiy-ishlab chiqarish markazi

Tashkil etilgan yili: O‘zbekiston Respublikasi Prezidentining 2020-yil 26-noyabrdagi “Dorivor o‘simliklarni yetishtirish va qayta ishlash, ularning urug‘chiligini yo‘lga qo‘yishni rivojlantirish bo‘yicha ilmiy tadqiqotlar ko‘lamini kengaytirishga oid chora-tadbirlar to‘g‘risida”gi PQ-4901-son qaroriga asosan tashkil qilingan

Markaz faoliyati:

· respublika hududidagi yovvoyi holda o‘suvchi dorivor o‘simliklar areallarini o‘rganish va zaxiralarini aniqlash, mavjud bioresurslar genofondini saqlash, onalik plantatsiyalarini tashkil etish;

· urug‘lik materiallarni yetishtirish va tayyorlash, ko‘paytirish, kolleksion ko‘chatxonalar tashkil etish hamda ularning xomashyolarini qayta ishlash bilan bog‘liq ilmiy va amaliy tadqiqotlarni olib borish;

· dorivor o‘simliklarni yetishtirish bo‘yicha har yili hududiy dasturlarni ishlab chiqish;

· dorivor o‘simliklarni muayyan tuproq-iqlim sharoitlarini hisobga olgan holda madaniy holda yetishtirishni yo‘lga qo‘yish bo‘yicha aniq ilmiy asoslangan takliflar ishlab chiqish;

· tuproq-iqlim sharoitlarini hisobga olib madaniy holda yetishtiriladigan dorivor o‘simliklarning agrotexnologik ishlab chiqish;

· dorivor o‘simliklar kimyoviy tarkibini o‘rganish, mahsulotini standartlash va amaldagi qonun hujjatlariga muvofiq sertifikatlash;

· dorivor o‘simliklarga bo‘lgan ichki va tashqi bozorlar talabini o‘rganish bo‘yicha marketing tadqiqotlari olib borish;

· dorivor o‘simliklar yetishtiruvchi va qayta ishlovchi fermer xo‘jaliklari, tashkilotlar va boshqa subyektlar rahbarlari va mutaxassislarining malakasini oshirib borishga yo‘naltirilgan dasturlarni tayyorlash va o‘qitish tizimini tashkil etish.

· respublikada faoliyat olib borayotgan ilmiy-tadqiqot muassasalari tomonidan amalga oshirilayotgan sohaga oid loyihalarni tahlil qilish va natijalariga ko‘ra xulosa berish;

· yovvoyi holda o‘suvchi dorivor o‘simliklar nav-namunalarini yig‘ish va ulardan dorivor moddalari eng ko‘p to‘planadigan nav-namunalarni aniqlash va seleksiya yo‘li bilan yangi navlarni yaratishni yo‘lga qo‘yish;

· hududlarning tabiiy-iqlim sharoitidan kelib chiqib ixtisoslashgan o‘rmon xo‘jaliklarida dorivor o‘simliklarning onalik plantatsiyalarini barpo etish va tadqiqot ishlarini tashkil etish;

· mavjud bioresurslar genofondini saqlash borasida ilmiy-tadqiqot ishlarini amalga oshirish va unga mahalliy hamda xorijiy investorlarning investitsiyalarini, xalqaro moliya institutlari grantlarini jalb etish;

· dorivor o‘simliklarning kamayib borayotgan noyob turlarini saqlash va ko‘paytirishni tashkil etish;

· yangi turdagi dorivor o‘simliklarni madaniylashtirish bo‘yicha ixtisoslashgan o‘rmon xo‘jaliklarida urug‘chilik tajriba uchastkalarini tashkil etish;

· tabiiy holda o‘sadigan dorivor o‘simliklarni madaniylashtirish, chet el florasiga mansub bo‘lgan dorivor o‘simliklarni mahalliy sharoitda urug‘laridan ko‘paytirish va introduksiyalashni yo‘lga qo‘yish;

· sohaga ilg‘or texnoligiyalarni jalb etish va ularni qo‘llashni oshirish;

· laboratoriyani zamonoviy jihozlar bilan ta’minlashga xorijiy institut hamda donorlarning mablag‘larini jalb etish;